"Qalatasaray"ın baş məşqçisi Okan Buruk klubun sabiq futbolçusu Arda Turanın məşqçi heyətində yer alacağı ilə bağlı yayılan iddialara münasibət bildirib.
Sportinfo.az xəbər verir ki, o deyib:
"Arda bizim və türk futbolu üçün dəyərli futbolçudur. "Qalatasaray"ın qapıları ona hər zaman açıqdır. Arda futbolda olub-olmayacağı ilə bağlı qərar verəcək.
Bununla əlaqədar özünü inkişaf etdirəcək. Arda bizim üçün önəmlidir. Ancaq məşqçi heyətində yer alması ilə bağlı onunla görüşümüz olmayıb".
A.Turan sentyabrda futbolçu karyerasını başa vurub.
