İngiltərə millisinin sabiq üzvü Dele Alli "Beşiktaş"la rəsmi müqavilə imzalamaq üçün İstanbula yollanıb.
Sportinfo.az xəbər verir ki, 26 yaşlı yarımmüdafiəçini Türkiyəyə gətirən təyyarə gecə saatlarında İstanbula eniş edib.
"Everton"un üzvü davam edən mövsümün sonuna qədər icarə əsasında "qara qartal"ın formasını geyinəcək.
Mövsüm sonunda isə "Beşiktaş" Alli ilə rəsmi müqavilə imzalaya bilər.
Yarımmüdafiəçi “MK Dons”, “Tottenhem”də çıxış edib. O, 2015-2019-cu illərdə İngiltərə millisində 37 matça çıxıb 3 qol vurub.