Azərbaycan millisinin futbolçusu Namiq Ələskərov Türkiyə çempionatında növbəti qolunu vurub.
Sportinfo.az xəbər verir ki, I L iqa təmsilçisi “Bursaspor”un şərəfini qoruyan futbolçu “Dənizlispor”la görüşdə fərqlənib.
Start heyətində meydana çıxan vinger 30-cu dəqiqədə hesabı açıb. Bu qol Bursa təmsilçisinə 1:0 hesablı qələbə qazandırıb.
55-ci dəqiqədə penaltini qaçıran Ələskərov qarşılaşmanın 64-cü dəqiqəsində əvəzlənib.
29-cu matçında 6-cı qolunu vuran hücumçu klubunun ən yaxşı bombaridri olub. O, 5 dəfə fərqlənən belçikalı komanda yoldaşı Massimo Brunonu arxada qoyub.