Türkiyə Futbol Federasiyası (TFF) aşağı liqaların oyunlarını təxirə salıb.
Sportinfo.az xəbər verir ki, buna ölkədə həftəsonu üçün gözlənilən əlverişsiz hava şəraiti səbəb olub.
Qurum 11 - 14 martda təşkili planlaşdırılan I, II və III liqalardakı matçların 18 - 21 martda keçiriləcəyini açıqlayıb.
Azərbaycan millisinin futbolçusu Namiq Ələskərovun çıxış etdiyi "Bursaspor" martın 14-də XXIII turda "Balıkesirspor"u qəbul etməli idi.
"Timsahlar" bu gün XXII turdan təxirə salınmış görüşdə "Eyüpspor"la üz-üzə gələcək. Qarşılaşma Bakı vaxtı ilə 21:00-da start götürəcək.
