Türkiyə Kubokunda 1/16 final mərhələsinin oyunları keçirilir.
Sportinfo.az xəbər verir ki, azərbaycanlı futbolçu Namiq Ələskərovun çıxış etdiyi "Bursaspor" səfərdə Super Liqa təmsilçisi "Qaziantep"lə qarşılaşıb.
Matçın əsas və əlavə vaxtı 1:1 hesablı bərabərliklə başa çatıb. Penaltilər seriyasında daha dəqiq olan (5:4) "Qaziantep" 1/8 finala vəsiqə qazanıb. "Bursaspor" isə kubokda mübarizəni dayandırıb.
Namiq də bu görüşün iştirakçısı olub. Qarşılaşmaya start heyətdə başlayan 26 yaşlı vinger 62-ci dəqiqədə əvəzlənib.
