.jpg)
«Klubumuzun rəhbərliyi onun fəaliyyətindən razıdır və əməkdaşlığın davam etdirilməsini istəyir».
Bu sözləri Sportinfo.az-a açıqlamasında «Sumqayıt»ın mətbuat xidmətinin rəhbəri Rəşad Məmmədov deyib.
O, akademiyanın baş koordinatoru Hakan Sünalın Azərbaycanı tərk etməyəcəyini bildirib. Press-ateşe Almaniyadan dəvət olunan türk funksionerin öz vəzifəsinin öhdəsindən gəldiyini söyləyib:
«Hakan Sünalla bağladığımız müqavilə ikiillikdir. Onunla yolları ayırmağımız müzakirə mövzusu deyil. Sünal gələndən sonra akademiyamızın fəaliyyəti kifayət qədər canlanıb və güclənib.
Aşağı yaş qrupları üzrə komandalarımızın ölkə çempionatında qazandığı nəticələr yaxşılaşıb. Bunu mən yox, statistika deyir. Sünalın işinə qiymət vermək üçün həmin statistikaya baxmaq lazımdır».
