Premyer Liqanın XIII turunun "Səbail" - "Turan Tovuz" oyununda qalib müəyyənləşməyib.
Sportinfo.az xəbər verir ki, "ASCO Arena"da reallaşan qarşılaşmada heç-heçə qeydə alınıb.
Hesabı 40-cı dəqiqədə meydan sahiblərindən Rüfət Abdullazadə açıb. Qonaqlar yalnız final fitinə 4 dəqiqə qalmış məğlubiyyətdən xilas ola biliblər.
Faiq Hacıyev komandasına 1 xal qazandıran qolun müəllifi olub.
Turnir cədvəlində "Turan Tovuz" 26 xalla üçüncü, "Səbail" 8 xalla doqquzuncu sırada qərarlaşıb.
