
Yüngül çəki dərəcəsində UFC versiyası üzrə son çempion Həbib Nurməhəmmədov sözügedən təşkilatla yeni müqavilə imzalayıb.
Sportinfo.az xəbər verir ki, bu barədə idmançının meneceri Əli Əbdül-Əziz məlumat verib.
O, sözləşmənin detalları barədə açıqlama verməsə də, Həbibin bir neçə döyüş keçirəcəyini istisna etməyib.
Rusiyalı döyüşçünün sentyabr ayının 7-də qarşılaşacağı rəqibi də müəyyənləşib.
Bu, ABŞ-dan olan idmançı Dastin Puaryedi. Görüş Birləşmiş Ərəb Əmirliklərinin paytaxtı Abu-Dabi şəhərində keçiriləcək.
Bundan başqa, yeni müqavilədə Həbibin orta çəki dərəcəsində UFC versiyası üzrə keçmiş çempion, bu ilin fevral ayında karyerasını başa vurduğunu açıqlayan Jorj Sen-Pyerlə mümkün döyüşünün şərtləri də qeyd olunub.