Qış fasiləsində "Sabah"la yollarını ayıran Rocer Roxasın "Deportes Tolima"ya keçidi rəsmən açıqlanıb.
Sportinfo.az xəbər verir ki, bu barədə Kolumbiya klubunun rəsmi "Twitter" səhifəsi məlumat yayıb: "Xoş gəldiz, Rocer. Siz bizim komandada vuracağınız qolları qeyd etmək üçün buradasız. Vuruşun, çalışın və xəyal edin!".
29 yaşlı forvardla rəsmi müqavilə imzalansa da, detallar açıqlanmayıb.
Cari mövsümün əvvəlində Kosta-Rikanın "Alaxuelense" klubundan "Sabah"a keçən Roxas Premyer Liqada qol hesabını aça bilməyib. O, yalnız ölkə kubokunun 1/8 final mərhələsində birinci divizion təmsilçisi "Ağsu" ilə matçda dubl edib.