“Sabah”ın bu ilin yanvarında sıralarına qatdığı Stas Pokatilov yeni qərar verib.
Qazaxıstan millisinin qapıçısı 6 aylıq müqavilə imzaladığı klubdan ayrılmağı üstün tutub.
O, rəsmilərlə görüşərək, kontraktı uzatmayacağını qeyd edib, ölkəsinə qayıtmaq fikrini qətiləşdirdiyini bildirib.
Kiper bir neçə təklifinin olduğunu, Azərbaycan karyerasının başa çatdığını, mayın 31-də “Qarabağ“la keçirəcəkləri kubokun final matçının ardından vətəninə dönəcəyini söyləyib.
Pokatilov karyerası ərzində Qazaxıstanın “Akjayık” (2010-2013), “Şaxtyor” (Karaqanda, 2013-2015), “Aktobe” (2015-2016, 2022-2023), “Kayrat” (2016-2022), “Tobol” (2024) və Rusiyanın “Rostov” (2016) komandalarında çıxış edib.
2015-ci ildən dəvət aldığı Qazaxıstan yığmasında 28 oyun keçirib.
SPORTİNFO.AZ
