“Sabah”ın və Özbəkistanın gənclərdən ibarət yığmasının yarımmüdafiəçisi Umarali Raxmonaliyev Azərbaycandakı həyatı və oyunu ilə bağlı təəssüratlarını bölüşüb.
Sportinfo.az xəbər verir ki, "Rubin"dən icarəyə götürülən legioner ölkəmizdə özünü rahat hiss etdiyini qeyd edib.
"Özümü evimdəki kimi hiss edirəm, çünki mədəniyyət və hər şey Özbəkistana bənzəyir. İnsanlar, dinlər və münasibətlər bizimkilərlə eynidir", deyə Raxmonaliyev "BorodAbata" YouTube kanalına müsahibəsində deyib.
Yarımmüdafiəçi Azərbaycan çempionatının səviyyəsini də yüksək qiymətləndirib:
"Yerli çempionat güclüdür və bizim avrokuboklara düşmək şansımız var. Bütün komandalar səy göstərir".
_2.jpg)
