AFFA-nın Apellyasiya Arbitraj Tribunalı "Sabah"ın şikayətini təmin edib.
Sportinfo.az milli assosiasiyanın rəsmi saytına istinadən xəbər verir ki, AFFA İntizam Komitəsinin noyabrın 3-də paytaxt təmsilçisinə verdiyi 4000 manatlıq cərimə ləğv olunub.
Azərbaycan Premyer Liqasının XII turunda keçirilmiş "Sabah" - "Qəbələ" (2:1) görüşündə hər iki komandanın azarkeşləri arasında kütləvi intizamsızlıq baş verib, fanatlar iğtişaş törədiklərinə görə klublar ayrı-ayrılıqda 4000 manat cərimə edilmişdi.