"Qəbələ" "Qarabağ"la ölkə kubokunun 1/4 final mərhələsinin cavab görüşü üçün hazırlığını davam etdirir.
Doğma rayonda keçən hazırlığa qoşulan futbolçular arasında Yaovi Akakpo da var.
1 ildən artıqdır zədə səbəbindən komandadan uzaq düşən, bu müddətdə 2 dəfə əməliyyat olan oyunçu, nəhayət, dünən kollektiv məşqlərə start verib.
23 yaşlı legionerin sevincinin həddi-hüdudu yoxdur. Hər halda məşqlərdəki təbəssümü və öz sosial şəbəkə hesabından paylaşdığı post bunu deməyə əsas verir.
Toqolu yarımmüdafiəçi izləyiciləri ilə sevincini bu sözlərlə bölüşüb:
"Qəbələ"nin heyətində meydana qayıtdım. Komanda yoldaşlarımın yanına qayıtmaqdan və onlarla birgə toplu hazırlığa qoşulmaqdan çox xoşbəxtəm".
Yaovi ötən mövsüm əla start götürərək ilk 4 turda iki qolla yadda qalmışdı. Amma aldığı ciddi zədə onun uzun müddət yaşıl meydanlardan kənarda qalmasına səbəb olmuşdu.
XANOĞLAN / SPORTİNFO.AZ
