.jpg)
Məqsəd İsayev “Qəbələ”də 50-ci oyununu keçirib.
Sportinfo.az klubun saytına istinadən xəbər verir ki, onun yubileyi Azərbaycan Premyer Liqasının 16-cı turuna təsadüf edib.
28 yaşlı müdafiəçi “Səbail”lə ev görüşündə 90 dəqiqə meydanda olub. “Qırmızı-qaralar”ın 2:1 hesablı qələbə qazandığı qarşılaşma onun “100”ü yarılaması ilə əlamətdar olub. Məqsəd bu oyunlarda 4 qol vurub.
O, Premyer Liqada 43 (3 qol), Azərbaycan kubokunda 5 (1 qol), avrokuboklarda 1 dəfə şans qazanıb. İsayev klub tarixinə 50 və daha çox matça çıxan 54-cü oyunçu kimi düşüb.
Müdafiəçi “Qəbələ”də 2021-ci il avqustun 15-də debüt edib. O, “Neftçi”yə qarşı səfərdə keçirilən çempionat matçında (2:2) meydana çıxıb.
