.jpg)
Transfer çalışmalarını davam etdirən "Qəbələ" bu gün heyətinə rəsmən daha bir legioner qatıb.
Bununla, klubun rəsmi saytı Sportinfo.az-ın avqustun 4-də yaydığı xəbəri təsdiqləyib (https://www.sportinfo.az/idman_xeberleri/qebele/146458.html).
“Qırmızı-qaralar" ukraynalı yarımmüdafiəçi Andrey Strijakla “nigah bağlayıb”. 23 yaşlı oyunçu ilə 1+1 illik müqavilə imzalanıb.
Kiyev “Dinamo”sunun yetirməsi peşəkar karyerası ərzində “Şaxtyor” (2017/2018), “Arsenal” (2018/2019), “Vorskla” (2019), “Çernomorets” (2020), “Ximik” (2020), “Metallist” (2021-2022), “Olimpik” (2021) və Xorvatiyanın “Medimurye” (2022) klublarının formasını geyinib.
Ukraynalının Azərbaycanda qazanacağı aylıq məbləğ 5500-6000 dollar civarında təşkil edəcək.
Bu, "Qəbələ"nin yay transfer dövründə altıncı oyunçu keçididir. Bölgə təmsilçisi bunadək İlkin Qırtımov, Səlahət Ağayev, Felipe Santos, Feras Abu Akal və Ramon Maçadonu sıralarına qatıb.
