“Konfrans Liqasına tam, 100 faiz hazır olduğumuzu deməzdim“.
Sportinfo.az xəbər verir ki, bu sözlər “Qəbələ“nin kapitanı Asif Məmmədova məxsusdur.
Yarımmüdafiəçi Konfrans Liqasına hazırlığı qiymətləndirib:
”Macarıstan klubu ilə ilk matça 70-80 faiz hazırıq. Yoxlama və rəsmi oyunlar eyni deyil”.
Asif “Fehervar”ın qarşılaşmalarını izlədiklərini bildirib, rəqibin gücünü dəyərləndirib:
“Güclü komandadır. Ustalıq səviyyəsi ilə seçilən futbolçuları da var. Üç matçı izləmişik.
Bu komanda hücumlara çıxanda təhlükəli olur. Bizi qarşıda çətin oyun gözləyir. Təbii ki, ağır olacaq.
Lakin ötən mövsüm o qədər əziyyət çəkməmişik ki, ilk rəqiblə dueldə mübarizəni dayandıraq. Futboldur, hər şey ola bilər.
Mərhələ adlamaq üçün əlimizdən gələn, bizdən asılı olan hər şeyi edəcəyik”.
