«AFFA ilə apardığımız danışıqlarda hələlik heç bir yenilik yoxdur».
Bu sözləri Sportinfo.az-a açıqlamasında «Qəbələ»nin baş meneceri Nail Kərimov deyib.
Klub funksoneri bildirib ki, federasiyanın onlara ayıracağı yardım paketinin məbləği dəqiqləşməyib.
O, yaranmış qeyri-müəyyənlikdən narahat olduqlarını, bununla belə, gözləmə mövqeyində dayandıqlarını söyləyib:
«Başqa əlacımız da yoxdur. Çünki AFFA-nın özü də prosesin uzanmasının səbəbini bilmir.
Onlar da gözləyir. Əlbəttə, biz istəyirik ki, büdcəni bilək və işimizi ona uyğun olaraq quraq».
