“Qəbələ”nin prezidenti AFFA-nın baş katibinə hirsləndi – OLAY!

7 İyul 15:00 Qəbələ 2 262
“Qəbələ”nin prezidenti AFFA-nın baş katibinə hirsləndi – OLAY!

“Qəbələ” və AFFA rəhbərliyi arasında narazılıq yaranıb.

Buna səbəb federasiyanın klub qarşısında götürdüyü maliyyə öhdəliklərini vaxtında yerinə yetırməməsidir.

Belə ki, Konfrans Liqasında çıxış edəcək “qırmızı-qaralar” vəsait çatışmazlığı ilə üzləşib.

Bölgə təmsilçisi hazırda əsasən daxili imkanları, yəni, digər sponsorlarının hesabına transfer bazarlığı eləyir. Boluda təşkil olunan təlim-məşq toplanışı da AFFA-dan maddi dəstək almadan həyata keçirilib.

Halbuki Türkiyə səfərinin baş tutması da son ana kimi sual altında idi. Qəbələlilər təyyarə biletlərinin və otelin pulunu tapa bilməsəydi, toplanış təxirə salınacaqdı.

AFFA 2 ildir ki, “Qəbələ”yə yardım paketi ayırır. İlk partiyada 1,5 milyon, ötən sezon isə 2 milyon manat bu məqsədlə əyalət klubuna ödənilib.

Federasiya qarşıdakı “futbol ili”nə görə “qırmızı-qaralar”a nə qədər məbləğ sərf edəcəyini hələ müəyyənləşdirməyib.

Günü günə satır, hər dəfə müxtəlif bəhanələrlə prosesi uzadırlar. Əlbəttə, qeyri-müəyyənlik daha uzana bilməz, başqa sözlə, bıçaq artıq boğaza dirənib.

“Qəbələ”nin prezidenti Fariz Nəcəfov da elə bunu AFFA-nın yeni baş katibi Sərxan Hacıyevə izah etməyə çalışıb. Ikincinin nala-mıxa vurması klub rəhbərini hiddətlənib və söhbət, belə demək mümkünsə, mübahisəyə çevrilib.

Nəcəfovun gətirdiyi arqumentlər qarşısında söz tapa bilməyən Hacıyev sonda geri çəkilib, problemin həllində gücsüz olduğunu bildirib

SPORTİNFO.AZ

Digər Xəbərlər
Xəbər Lenti