“Komandamızda zədəlilərimiz var. Bu da oyunumuza mənfi təsir edir".
Sportinfo.az xəbər verir ki, bunu “Qəbələ”nin məşqçisi Xaqani Məmmədov Azərbaycan Premyer Liqasının XXIV turunda “Qarabağ”a 0:2 hesabı ilə məğlub olduqları oyun barədə danışarkən deyib.
Baş məşqçi Elmar Baxşıyev cəzalı olduğu üçün “qırmızı-qaralar”ı matça çıxaran Məmmədov fikrini bu sözlərlə davam etdirib:
“Heyətdəki itkilərə görə öz oyunumuzu göstərə bilmirik. Bunlar istər-istəməz çıxışımıza təsir edir.
Zədəlilərin növbəti turlarda bizə kömək edəcəyini düşünürük. Əsas heyətdə olmasa da, komandaya kömək edə biləcəklər".
