.jpg)
“Qəbələ“ yeni ildə ilk məşqə çıxıb.
“Qırmızı-qaralar” Bakı Olimpiya Stadionunun ehtiyat meydançasında bir araya hılib.
Baş məşqçi Elmar Baxşıyevin Sportinfo.az-a verdiyi məlumata görə, hazırlıq prosesi yerli futbolçuların iştirakı ilə start götürüb:
“Legionerlər sabahdan yavaş-yavaş Azərbaycana qayıdacaq. Onlara 2-3 gün artıq istirahət vermişik. Baxmayın, uzaq yol gəlirlər.
Şükür, zədəlilərimiz yoxdur, hamı həvəslidir. 10 gün Bakıda qalacağıq, sonra isə Türkiyəyə gedəcəyik. Antalyada keçirəcəyimiz təlim-məşq toplanışında rəqiblərimiz yenə dəyişib.
“Boreç” (Şimali Makedoniya) və “Bohemians”la (Çexiya) matçda qüvvəmizi sınayacağıq. Şimali Makedoniya klubu ilə oyunu yanvarın 20-də, çexlərlə oyunu isə 4 gün sonraya planlaşdırılıb.
Yanvarın 18-də üz-üzə gələcəyimiz rəqib isə böyük ehtimalla, Polşadan “Zaqlembe“ olacaq.
“Teplitsa“ (Çexiya) və “Krayova“ (Rumıniya) bizə sparrinq olmaqdan son anda imtina edib. Rəqiblərimiz çox olmasa da, çalışmışıq ki, güclü komandalarla qarşılaşaq”.
