“Qəbələ”nin qış istirahəti bu gün başa çatacaq.
Paytaxtda bir araya gələcək kollektiv 10 gün sonra Türkiyənin yolunu tutacaq.
“Qırmızı-qaralar“ın Antalyada keçirəcəyi təlim-məşq toplanışındakı qarşılaşacağı rəqiblər yenə dəyişib.
Elmar Baxşıyevin rəhbərlik etdiyi komanda “Boreç” (Şimali Makedoniya) və “Bohemians”la (Çexiya) matçda qüvvəsini sınayacaq.
“Qəbələ”nin Şimali Makedoniya klubu ilə oyunu yanvarın 20-də, çexlərlə oyunu isə 4 gün sonraya planlaşdırılıb.
Hazırda Premyer Liqada 2-ci pillədə olan komandanın yanvarın 18-də üz-üzə gələcəyi rəqib isə böyük ehtimalla, Polşadan “Zaqlembe“ olacaq.
“Teplitsa“ (Çexiya) və “Krayova“ (Rumıniya) müxztəlif səbəblərdən “Qəbələ“yə sparrinq olmaqdan son anda imtina edib.
SPORTİNFO.AZ
