“Qəbələ” cari mövsümün ilk 2 dövrəsində xidmətindən yararlandığı 8 legionerin heç birinin xidmətindən imtina etməyəcək.
Bu barədə Sportinfo.az-a baş məşqçi Elmar Baxşıyev məlumat verib.
Onun sözlərinə görə, əcnəbi futbolçuların heç birinin komandanı vaxtından qabaq tərk eləmək fikri yoxdur:
“Hamısı ilə söhbətimiz olub. Burada yaradılan şəraitdən razıdırlar. Özləri də görür ki, klub onlar qarşısında götürdüyü öhdəlikləri yerinə yetirir, elə bir ciddi problemimiz yoxdur.
Düzdür, biz də oradan-buradan eşidirik ki, legionerlərimizlə müxtəlif klublar yaxından maraqlanır.
Birincisi, hamısının müqaviləsi var. İkincisi, hamısı deyir ki, ən azı mövsümün axırına kimi buradayıq”.
