Cari mövsümün ən böyük sensasiyası "Qəbələ"dir.
Kimsənin ciddiyə almadığı əyalət təmsilçisi Premyer Liqanın geridə qalan 14 həftəsində bütün proqnozları alt-üst etdi.
Maliyyə və heyət sarıdan ciddi problem yaşayan kollektivin turnir cədvəlinin dibinə "dəmir" atacağı təxmin edilirdi, əks oldu – ilk 2 dövrədən sonra ikinci sırada yer alıblar.
7 qələbə qazanan, 5 heç-heçəyə imza atan və cəmi 2 məğlubiyyət alan komandanın aktivindəki xalın sayı 26-dır.
Elmar Baxşıyevin çalışdırdığı "qırmızı-qaralar" vurduqları və buraxdıqları qolların sayında yalnız "Qarabağ"dan geri qalır.
Sportinfo.az "Qəbələ"nin mövsümün ilk yarısında vurduğu bütün qolların videosunu təqdim edir.
