.jpg)
«Qəbələ» rəhbərliyi futbolçuları motivasiya edəcək növbəti qərarını açıqlayıb.
Bu, birbaşa avrokuboklarla bağlıdır: əgər komanda mövsümün sonunda qitəmiqyaslı yarışlara vəsiqə əldə edərsə, UEFA-nın ödəyəcəyi məbləğ əməkhaqlarının və mükafatların artırılmasına sərf olunacaq.
Əyalət təmsilçisinin Premyer Liqada işləri hazırda öz qaydasında gedir. «Qırmızı-qaralar» bu mənada bütün proqnozsevərləri təəccübləndirməyi bacarıb.
Geridə qalan 12 tur ərzində 22 xal toplayan komanda «Zirə» ilə bərabər turnir cədvəlinin 2-3-cü pillələrini bölüşdürür.
«Qəbələ» gələn yay avrokubok iştirakçıları arasına düşərsə, Konfrans Liqasında mübarizə aparacaq. Belədə isə UEFA-dan klubun hesabına köçürüləcək minimum məbləğ 1 milyon manat təşkil edəcək.
SPORTİNFO.AZ
