AFFA-nın icraçı vitse-prezidenti Elxan Məmmədov “Qəbələ”nin cari mövsümdəki çıxışını diqqət mərkəzində saxlayır.
O, bu barədə əyalət təmsilçisinin baş məşqçisi Elmar Baxşıyevlə görüşündə bildirib.
Millinin Qətərlə keçiridyi yoxlama görüşündən (2:2) sonra klub təmsilçiləri ilə bir araya gələn federasiya rəsmisi komandanın oyunlarını yaxından izlədiyini söyləyib.
Baxşıyev söhbət əsnasında üzləşdiyi problemlər barədə danışıb, zədəli və cəzalı futbolçuların çoxluğundan gileylənib.
O, düşərgədəki oyunçuların sayının kifayət qədər olmadığını, əlavə maliyyə dəstəyinə ehtiyac duyduqlarını qeyd edib.
E.Məmmədov “Qəbələ”nin çalışdırıcısına 8 legionerlə mövsümü davam etdirdiklərini xatırladıb və komandada daha çox yerli gənclərə güvənməyi məsləhət görüb.
SPORTİNFO.AZ