Milliyə dəvət alan futbolçular arasında "Qəbələ"dən kimsə yoxdur.
Bölgə təmsilçisi hazırda tam tərkibdə hazırlıq keçən yeganə klubdur.
Baş məşqçi Elmar Baxşıyev Sportinfo.az-a açıqlamasında bildirib ki, bu məqamı heç də üstünlük saymır:
"Gözləyirdik ki, çağırsalar da say bir nəfər olacaq. Çağırsaydılar da hazırlığımıza elə də təsiri olmayacaqdı. Çünki komandanın bütün üzvləri bizimlədir. 1-2 nəfərin olmaması elə də təsir etməzdi".
Baxşıyev baş məşqçisi olduğu komandadan milliyə futbolçu dəvət olunmamasını normal qarşıladıqlarını bildirib:
"Qəbələ"dən kiməsə dəvət gəlməməsini çox götür-qoy eləmək fikrimiz yoxdur. Milli komandanın məşqçisi var. Özü oyun üslubuna kimlər uyğundusa onlara dəvət göndərir. Bunu normal qarşıladıq".
