"Hər kəs Çempionlar Liqasında yazılan tarixdən məmnundur".
Sportinfo.az xəbər verir ki, bunu "Qarabağ"ın legioneri Kevin Medina bildirib.
"Liverpul"la oyun bizim üçün yaxşı olmadı, bunu bilirəm. Amma hər kəs Çempionlar Liqasında yazdığımız tarixdən məmnundur", - deyə o bildirib.
Kolumbiyalı müdafiəçi pley-offdakı potensial rəqibləri də dəyərləndirib:
"İndi yolumuza davam etməliyik. Qarşıdakı pley-off mərhələsini gözləyirik.
Düşünürəm ki, bizim üçün hər şey qaydasında olacaq. Futbolda hər şey baş verir.
Artıq diqqətimizi çempionata yönəltməliyik. Gələcəkdə nə olacağını görəcəyik".
Çempionlar Liqasının Liqa mərhələsini 10 xalla 22 sırada bitirən "Qarabağ" pley-offda "Nyukasl" ilə üz-üzə gələcək.
