"Biz hər ikisinə qarşı mübarizə apara bilərik və buna hazırıq".
Bu sözləri Sportinfo.az-a açıqlamasında "Qarabağ"ın vingeri Emaneul Addai deyib.
Bilindiyi kimi, "Qarabağ"ın Çempionlar Liqasının pley-off mərhələsindəki rəqibinin adına aydınlıq gəlib.
Yarışın liqa mərhələsini 22 pillədə başa vuran Azərbaycan təmsilçisi "səpələnməmişlər" səbətində yer alıb.
"Qarabağ"ın rəqibi 4 dəfə İngiltərə çempionu "Nyukasl" olub.
İlk matç fevralın 18-də, saat 21:45-də Bakıda, cavab qarşılaşması isə fevralın 24-dən 25-nə keçən gecə, saat 00:00-da İngiltərədə baş tutacaq.
"Qarabağ" - "Nyukasl" cütünün qalibi 1/8 finalda Liqa mərhələsini 5-ci pillədə başa vuran "Barselona" və ya 6-cı yerin sahibi "Çelsi" ilə qarşılaşacaq.
Nigeriyalı legioner "pley-offdakı mümkün rəqiblər PSJ və “Nyukasl” idi. Hansı “Qarabağ”a daha uyğundur" sualına cavabında bunları söyləyib:
"PSJ başqa səviyyədir. Fikrimcə, “Nyukasl”a qarşı oynamaq, nəticə qazanmaq olar.
İngilislərlə duellərimizi maraqla gözləyirəm. Son ana qədər mübarizə aparacağıq.
Ümidim var ki, mərhələni keçə bilərik. Azarkeşlərin bizə inanmasını istərdim”.
