Bu gün Azərbaycan kubokunun 1/4 final mərhələsi çərçivəsində daha iki oyun baş tutacaq.
“Şamaxı” doğma meydanda “Qarabağ”ı qəbul edəcək.
Son günlər dağlıq rayonlarda müşahidə olunan qarlı və şaxtalı hava şəraiti matçın keçirilməsini sual altına salmışdı.
Sportinfo.az xəbər verir ki, qarşılaşma öncədən nəzərdə tutulan plan üzrə baş tutacaq.
Şamaxıda qar yağmasına baxmayaraq, meydan xüsusi texnika və işçi qrupunun əməyi sayəsində təmizlənərək oyun üçün hazır vəziyyətə gətirilib.
Oyunu canlı yayımlamaq və VAR-ın xidmətindən istifadə etmək üçün texniki avadanlıqlar artıq Şamaxı şəhərindədir.
Şamaxı şəhər stadionunda keçiriləcək görüş saat 14:30-da başlayacaq.
HƏBİB
