"Qurban Qurbanovun işinə heyranam".
Sportinfo.az xəbər verir ki, bu sözləri AZƏRTAC-a açıqlamasında rusiyalı tanınmış mütəxəssis Yuri Syomin "Qarabağ"ın Çempionlar Liqasının liqa mərhələsinin VII turunda Almaniyanın "Ayntraxt" komandasına 3:2 hesabı ilə qalib gəldiyi oyun barədə danışarkən deyib.
O, Azərbaycan çempionunun nəticəsini böyük uğur adlandırıb:
"Dünən oyunu izlədim. Bütün Azərbaycan xalqını təbrik edirəm. Bu qələbə klub tarixi üçün mühüm məqamdır.
Futbolçular əla mübarizə apardılar. Qurban Qurbanov isə "Qarabağ"ın uğurlarının əsas fiqurudur".
Yuri Syomin 2013-2014-cü illərdə "Qəbələ" komandasının baş məşqçisi olub.
