«Qarabağ» futbol akademiyasının baş koordinatoru Aftandil Hacıyev Nigeriyiya yollanıb.
Afrikaya səfəri barədə Sportinfo.az-a açıqlama verən funksioner «Obasa Cup»un izləyəcəyini bildirib.
Onun sözlərinə görə, bir həftə Laqos şəhərində qalacaq, beynəlxalq turnirin bütün oyunlarına baxacaq.
Məqsəd yarışa qatılacaq müxtəlif komandaların heyətində forma geyinən yeniyetmə və gəncləri gözdən keçirmək, onlar arasından ən yaxşılarını seçməkdir.
Hacıyevin bəyənəcəyi yerli futbolçular sonradan Ağdam klubuna cəlb oluna bilər. Bu, qarşı tərəflə aparılacaq danışıqlardan asılıdır.
Fikirlər üst-üstə düşsə, istedadlı oyunçularla uzunmüddətli müqavilə imzalanacaq. Çünki həmin gənclərin tədricən əsas komandaya cəlb olunmaq perspektivi də gözə alınıb.
