“Qarabağ”ın kapitanı Abdullah Zubir komandasının Çempionlar Liqasının əsas mərhələsindəki çıxışı və turnirdə oynamaq məqsədinə şəxsən necə yaxınlaşması barədə fikirlərini bölüşüb.
Sportinfo.az xəbər verir ki, UEFA-nın mətbuat xidmətinə danışan fransalı vinger komandasının inkişafından da bəhs edib:
“Qarabağ”a gələndə məqsədim Çempionlar Liqasında oynamaq idi. Avropa Liqasında və Konfrans Liqasında oynamaqdan zövq alırdım, amma Çempionlar Liqası tamamilə fərqlidir.
Bu atmosferi, stadionları, azarkeşləri, ətrafda baş verən hər şeyi, xüsusən də evdə oynadığımız zaman həvəs inanılmazdır.
Son bir neçə ildə klubun peşəkarlığı bir çox sahədə artıb - qidalanma, məşq, eyni zamanda, iş yükü baxımından.
“Qarabağ” çox dəyişib və bu gün bir neçə illik işdən sonra əldə edilən nəticələri görürük”.
