“Əngəl” tanımayan gənc yazar Samir İmanov "Qarabağ" klubunun azarkeşidir.
Sportinfo.az xəbər verir ki, bu barədə yazıçı İctimai TV-yə müsahibəsində məlumat verib.
Samir İmanov söhbət əsnasında ən böyük arzusunun “Qarabağ”ın futbolçuları ilə görüşmək olduğunu da dilə gətirib.
İctimai TV-nin dəstəyi ilə yazar "Qarabağ"ın bazasında qonaq olub və sevimli klubunun üzvləri ilə tanış olub.
Görüş zamanı Samir İmanov klubun baş məşqçisi Qurban Qurbanova yeni kitabını hədiyyə edib. Qurbanov isə ona arxasına yazarın adı qeyd olunmuş forma bağışlayıb.
