“Lori”nin panamalı legionerləri - Manuel Varqas və Karlos Qutyerresin ölkəsinə qayıtmaq istəyi baş tutub.
Sportinfo.az xəbər verir ki, adıçəkilən oyunçular artıq Ermənistandan qaçıblar.
Dağlıq Qarabağda baş verən hadisələr səbəbindən klubunu tərk edən Varqasla Qutyerres dünən gecə Panamanın Meksikadakı səfirinin köməkliyi sayəsində bu ölkəyə yollanıblar.
Səfir Alfredo Oranqes onları hava limanında qarşılayıb. Panamalılar sabah doğma vətənlərinə yollanacaqlar. Həm Manuel Varqas, həm də Karlos Qutyerres “Lori”yə ötən ay keçmişdi.
