Sportinfo.az xəbər verir ki, Ermənistan ordusu cəbhənin Tərtər istiqamətində yaşayış məntəqələrini atəşə tutmaqda davam edir.
“Qafqazinfo”nun Tərtərə ezam olunmuş əməkdaşlarının verdiyi məlumata görə, bir neçə dəqiqə əvvəl düşmənin atdığı mərmilərdən biri Tərtər şəhərinin mərkəzində Avtovağzalın qarşısına düşüb.
Nəticədə avtobus dayanacağının qarşısında bir nəfər mülki vətəndaş həlak olub.
Hazırda da Ermənistan Silahlı Qüvvələri tərəfindən Azərbaycanın mülki əhalisinin atəşə tutulması davam edir.
***
Ermənilərin öldürdüyü mülki sakin 1982-cı il təvəllüdlü Həsənov Zabil Məhəmməd oğludur.
