Premyer Liqa klubları bugündən etibarən Bakı və Sumqayıtda məşqlərə başlaya bilər.
Sportinfo.az-ın məlumatına görə, bu, Nazirlər Kabineti yanında Operativ Qərargah ilə AFFA arasında aparılan danışıqların nəticəsində mümkün olub.
Düzdür, razılıq hələ rəsmi şəkildə elan edilməyib, ancaq ən qısa zamanda açıqlanması gözlənilir.
Anlaşmanın şərtləri var. Məsələn, elita təmsilçiləri hazırlıq prosesinə aid video və fotoları yaymamalı, məşqlərdə klub nümayəndələrinin, digər əməkdaşların sayına məhdudiyyət qoymalı, sosial məsafəni qorumalıdır.
Hələlik yeganə açıq qalan məsələ həftəsonları ilə bağlıdır. Şənbə və bazar günləri ictmai nəqliyyatin hərəkəti dayandırıldığından, həftəlik çalışmaların cəmi 5 günü əhatə etməsi tövsiyə olunub.
