"Neftçi"nin futbolçusu Rüfət Abbasov komandasının qarşıdakı hədəflərindən danışıb.
Sportinfo.az xəbər verir ki, 21 yaşlı müdafiəçi bu barədə Misli Premyer Liqasının 5-ci turunda "Araz-Naxçıvan"a qalib gəldikləri (5:0) matçdan sonra fikirlərini bölüşüb.
"Sabah" və "Qarabağ"a avrokuboklarda uğurlar arzulayan Rüfət Abbasov çempion olmaq istədiklərini deyib:
"Sabah"ı təbrik edirəm. "Qarabağ"a isə uğurlar arzulayıram.
Çünki onlar bizim ölkəmizi təmsil edirlər. Biz öz işimizi görəcəyik.
İnşallah, bütün oyunlara qələbə üçün çıxacağıq və əlimizdən gələnin ən yaxşısını edəcəyik.
Bildiyiniz kimi, bu il "Neftçi"nin 90 illiyidir. Çempion olmaq istəyirik. İnşallah, bunu bacararıq".
