“Neftçi”nin futbolçusu sözün əsl mənasında şok yaşayıb.
Söhbət Sessi D’Almeydadan gedir.
29 yaşlı yarımmüdafiəçinin şərəfini qoruduğu Benin millisi dünya çempionatına vəsiqədən son anda məhrum olub.
Belə ki, beninlilər C qrupunda 9 oyundan sonra 17 xal toplamaqla DÇ-2026-ya vəsiqə üçün əla imkan əldə etmişdi.
Bunun üçün qrupun Nigeriya ilə sonuncu qarşılaşmasında qələbə qazanmaq, ən pis halda heç-heçə etmək lazım idi.
Lakin Nigeriyada baş tutan oyunda meydan sahibləri Benin üzərində 4:0 hesabı ilə inamlı qələbə qazanıb.
CAR-ın Konqonu 3:0 hesabı ilə udmasından sonra 18 xala malik Cənubi Afrika millisi qrup lideri kimi dünya çempionatına vəsiqəni əldə edib.
Nigeriya isə xalların sayını 17-yə çatdırıraq şəxsi göstəricilərdə Benini qabaqlayaraq pley-offa vəsiqəni təmin edib.
Sonuncu turda vəziyyətin kökündən dəyişməsi Sessi D’Almeydanın DÇ-2026 ilə bağlı qurduğu xəyalları alt-üst edib.
HƏBİB / SPORTİNFO.AZ
