8-ci turun sonuncu qarşılaşmasında “Neftçi” “Araz-Naxçıvan”la münasibətlərinə aydınlıq gətirəcək.
Bu komandaların son illərdə baş tutan oyunları hər zaman dinamikliyi və gərginliyi ilə yadda qalıb.
Öz aralarındakı oyunların nəticələrinə baxanda, Naxçıvan təmsilçisini “ağ-qaralar” üçün arzuolunmaz rəqib adlandıra bilərik.
Ötən tur “Zirə” üzərində qələbəni son anda əldən verən “Neftçi” üçün növbəti xal itkisi yolverilməzdir. “İmişli”ni 2:0 hesabı ilə məğlub edən “Araz-Naxçıvan” isə növbəti qələbə arzusundadır.
Paytaxt təmsilçisinin əsas fiqurlarından sayılan paraqvaylı yarımmüdafiəçi Freddi Varqas qarşıdakı oyunla bağlı Sportinfo.az-a fikirlərini bildirəndə iddialı açıqlama ilə diqqət çəkib:
“Rəqibin kimliyi bizi maraqlandırmır. Meydana çıxanda məqsədimiz 3 xal qazanmaqdan ibarət olur.
“Araz-Naxçıvan”la oyunda hədəfimiz dəyişməyəcək. 3 xalı komandamızın aktivinə yazıb, turnir cədvəlində irəliləməyə çalışacağıq. Komanda yoldaşlarımın gücünü bildiyimdən, bunu bacaracağımıza inanıram”.
Oktyabrın 19-da “Palms Sports Arena”da gerçəkləşəcək duel saat 18:30-da başlayacaq.
HƏBİB
.jpg)