“Sürətli olmağım vinger kimi oynamağımı asanlaşdırır”.
Bu sözləri Sportinfo.az-a açıqlamasında “Neftçi”nin yay transferi Alessio Kurçi deyib.
“Ağ-qaralar” iyulda 23 yaşlı hücumçu ilə 3 illik müqavilə bağlayıb.
Futbola Lüksemburqda başlayıb Almaniyada davam edən Kurçinin sonuncu klubu “Francs Borains” (Belçika) olub. O, ölkəsinin milli komandasının heyətində 15 oyun keçirib, 1 qol vurub.
Üç aydan artıqdır Bakıda olan legioner karyerası ərzində hücumun sivri ucunda və cinahlarda çıxış edib. Görəsən, özünü harada rahat hiss eləyir?
Premyer Liqanın geridə qalan 7 həftəsində 1 dəfə qol sevinci dadan səbəbkarı dinləyək:
“Neftçi”də vinger kimi oynamaq mənə daha rahatdır. Sağ və ya sol cinah - fərq etmir.
Ötən mövsüm oynadığım komandada hər iki cinahda şans qazanırdım. Qərarı verın baş məşqçidir. O, necə məsləhət görürsə, elə də olur”.
