Milli komandaların oyunları ilə bağlı Premyer Liqa klubları istirahətə çəkilib.
“Zirə”ylə dramatik qarşılaşmadan sonra (2:2) “Neftçi”nin baş məşqçi Samir Abasov futbolçularına dincəlmək imkanı yaradıb.
Nə az, nə çox, düz üç gün.
Cümə günü keçirilən oyun günü istirahətə çəkilən komanda üzvləri bir də oktyabrın 7-də klubun bazasında bir araya gələcək.
Yığma komandalara cəlb olunan futbolçular təxminən 10 gün düşərgədə olmayacağından, Abasov ixtiyarında olanları “Araz-Naxçıvan”la görüşə hazırlayacaq.
Yeri gəlmişkən, “ağ-qaralar” fasilə dönəmində yoldaşlıq görüşü keçirməyəcək. Hazırlıq dönəmi ikitərəfli oyunla yekunlaşacaq.
“Neftçi” Premyer Liqanın 8-ci turunda “Araz-Naxçıvan”la münasibətlərinə aydınlıq gətirəcək ki, oktyabrın 19-da keçiriləcək matç saat 18:30-da başlayacaq.
HƏBİB / SPORTİNFO.AZ
