Yayda Yunanıstan "Olimpiakos"u ilə müqavilə imzalayan Mamadu Kane qışda ölkəmizi birdəfəlik tərk edə bilər.
Qvineyalı dayaq yarımmüdafiəçisi iki klub arasındakı razılaşmaya görə icarə əsasında hələ də "Neftçi"də çıxış edir.
Yunanlar qışdan sonra buna icazə vermək fikrində deyil. Kane də bu qərara müsbət yanaşır.
Ancaq təmsilçimizin baş məşqçisi Samir Abasov israrla yarımmüdafiəçinin yaya kimi komandada qalmasını istəyir.
Gənc çalışdırıcı yaxşı bilir ki, hazırkı "Neftçi"nin "açar" oyunçularından biri məhz Kanedir. Onun gedişi çempionluq titulunun itirilməsi bahasına başa gələ bilər.
Rəhbərliyin Abasovun arzusunu həyata keçirməsi isə qarşı tərəflə keçən danışıqlardan asılıdır. Hazırkı məqamda bu elə də asan görünmür.
"Neftçi" Kaneni yay transfer dönəmində "Olimpiakos"a satıb. Onunla üç illik müqavilə imzalanıb. Klublar arasında razılaşmaya görə, qvineyalı yarımmüdafiəçi müvəqqəti olaraq icarə əsasında Bakı təmsilçisinin heyətində çıxış edir.
SPORTİNFO.AZ