Mövsümün sonunda "Real"la müqaviləsi başa çatan Toni Kroos gələcəyi ilə bağlı qərar verib.
Sportinfo.az xəbər verir ki, 33 yaşlı yarımmüdafiəçi Madriddə qalacaq.
Almaniyalı futbolçu "kral klubu" ilə müqaviləsini 2024-cü ilin yayına kimi uzadacaq.
"Real" Toni Kroosu 2014-cü ilin yayında "Bavariya"dan transfer edib. Təcrübəli futbolçu cari mövsümdə İspaniya klubunun heyətində meydana çıxdığı 40 oyunda 2 qol və 5 məhsuldar ötürmə ilə yadda qalıb.

