“Çelsi” Dortmund “Borussiya”sının hücumçusu Erlinq Holandı transfer etməkdə israrlıdır.
Sportinfo.az xəbər verir ki, “Çelsi”nin sahibi Roman Abramoviç onun alınması üçün xəsislik etmək niyyətində deyil.
İngiltərə mətbuatının iddiasına görə, milyarder bu transferin reallaşması üçün 175 milyon avro ayırıb.
Əgər keçid bu qiymətə baş tutarsa, onda Holand futbol tarixinin ikinci ən bahalı transferi olacaq. Norveçli futbolçunun “Borussiya” ilə müqaviləsi 2024-cü ilin yayına qədər nəzərdə tutulub.