“Söz verirəm ki, onlara gözəl günlər yaşadacağıq”.
Bu sözləri Sportinfo.az-a açıqlamasında “Karvan”ın müdafiəçisi Olavale Doyeni deyib.
Nigeriyalı legioner komandanın Yevlaxa dönüşündən danışıb:
“Kəpəz”lə qarşılaşmada məyus etdiyimiz yevlaxlı azarkeşlərə sözüm var. Onlar bizim dayağımızdır.
Təəssüf ki, Yevlaxdakı ilk matçda uduzduq. Biz bir ailəyik, pis və yaxşı günlərdə birlikdə olmalıyıq.
Birlik nümayiş etdirməklə bu vəziyyətdən çıxa bilərik. Onlara demək istədiyim yanımızda olmaqları və bizi dəstəkləmələridir”.
