Braziliya A seriyasında çempion müəyyənləşib.
Sportinfo.az xəbər verir ki, "Qarabağ"ın sabiq hücumçusu Juninyonun çıxış etdiyi “Flamenqo” çempionatın qalib olub.
Komanda 37-ci turda “Seara”nı 1:0 hesabı ilə məğlub edərək, sona 1 tur qalmış qızıl medalları təmin edib. “Flamenqo” ikinci sıradakı “Palmeyras”ı 5 xal qabaqlayır.
Rio-de-Janeyro təmsilçisi tarixində 8-ci dəfə Braziliya çempionu olub.
Felipe Luisin çalışdırdığı komanda bu mövsüm 5-ci titulunu qazanıb: A seriyası, Libertadores kuboku, Braziliya kuboku, Braziliya superkuboku və Rio-de-Janeyro çempionatı.
