"Vüsal Məsimov özü köməkçi məşqçilərə bildirmişdi ki, əvəzlənmə olsun".
Sportinfo.az xəbər verir ki, bu sözləri “Karvan-Yevlax”ın baş məşqçisi Azər Həşimov Azərbaycan Premyer Liqasının XII turunda “Kəpəz”ə 1:2 hesabı ilə uduzduqları oyundan sonra deyib.
Mütəxəssis matçın 26-cı dəqiqəsində Vüsal Məsimovun əvəzlənmək istəməməsinə səbəb olaraq bunu qeyd edib:
“Araz-Naxçıvan”la ötən tur oyunda Vüsalın zədəsi vardı. Meydanda özü köməkçi məşqçilərə bildirmişdi ki, əvəzlənmə olsun. Sonra dedi ki, normalam, məni dəyişməyin”.
HəŞimov həmin hadisədən bir neçə sonra Məsimovun texniki heyətə yaxınlaşaraq “mən çıxmayacam a” deməsinə isə belə aydınlıq gətirib:
“İnanın ki, o sözü mənə demədi. Köməkçilərə demişdi ki, əvəzetmə istəyir. Yəni başqa hər hansı problem yoxdur”.
