AFFA İntizam Komitəsi aşağı liqalarda çıxış edən 5 komandaya texniki məğlubiyyət verib.
Sportinfo.az xəbər verir ki, AFFA Yüksək Qızlar Liqasının “Sabah” – “Baku Juniors” oyununda birincilər Əsasnaməyə uyğun yaş limitini pozub, start heyətində 2010-cu il təvəllüdlü oyunçu olmadan oyuna başlayıb.
Bu, “Sabah”ın 0:3 hesablı texniki məğlubiyyətinə səbəb olub.
U-14 Qızlar Liqasında “Ümid” (Gəncə) komandası “Atiq”lə matça qeyd olunan vaxtda gəlmədiyindən, eyni cəza ilə üzləşib.
AFFA Region Liqasında keçirilməli olan “Əmirli” – “Çinar Zəngilan” qarşılaşması 55-ci dəqiqədə Təcili Tibbi Yardımın meydanda olmaması səbəbindən dayandırılıb və “Əmirli”yə 0:3 hesablı texniki məğlubiyyət verilib.
Həmin liqanın “Capital Baku” – “Mübariz” FA oyunu ikinci hissədə polisin olmadığına görə dayandırılıb ki, buna görə də “Capital Baku” eyni cəzaya məruz qalıb.
AFFA U-13 Liqasında keçirilməli olan “Ümid” (Gəncə) – “Azəri” (Gəncə) oyununda birincilər təyin edilən vaxtda meydanda olmayıb. Buna görə də “Ümid” texniki məğlubiyyət alıb.
.jpg)
