“WhatsApp” mesajlaşmada tətbiq etdiyi yeni funskiyanın bəzi detalları məlum olub.
Süni intellektlə işləyən yeniliyə əsasən istifadəçilər mesaj yazarkən kömək üçün süni intellektə etibar edə biləcəklər.
İstifadəçi mesaj yazarkən Meta Al texnologiyası qaralamanı redaktə edərək onu daha sadə və göndərilməyə hazır edəcək.
İstifadəçilər, təklif olunan alternativ mətnlərdən birini asanlıqla əlavə etmək üçün mesaj qutusundakı karandaş işarəsinə toxuna bilərlər. Sadə dizaynı ilə diqqət çəkən bu xüsusiyyət yazı prosesini intensivləşdirəcək və effektiv ünsiyyətə şərait yaradacaq.
“WhatsApp”ın İOS üçün beta versiyasında müşahidə edilən yenilik bəzi ölkələr üçün əlçatandır.
