«Şəmkir» II Liqada yeni mövsümün hazırlıqlarını davam etdirir.
Çempionluğa iddialı komanda ilk yoxlama görüşünə çıxıb.
Vüqar Nadirovun çalışdırdığı kollektiv «Ağstafa gəncləri»nin qonağı olub. Ağstafada keçirilən matç «ağ-qırmızılar»ın minimalhesablı qələbəsiylə yekunlaşıb. Yeni transferlərdən Taleh Fərmanov fərqlənib.
Amma bu, qonaqları bir o qədər sevindirməyib. Çünki Fəzail Şıxnazadə matçın gedişində üzündən ağır zədə alıb.
Rəqibin kobudluğuna məruz qalan müdafiəçinin sol gözünün üstü partlayıb. O, təcili xəstəxanaya aparılıb və yarasına bir neçə tikiliş atılıb.
SPORTİNFO.AZ
